Lexus-da biz daima innovasiyalara və hədsiz təxəyyülə can atırıq. Zəngin audiohəllərdən başlayaraq öncü konsepsiyalaradək hər şey yeni cəsur ideyaları canlandırır, gələcək texnologiyamıza təkan verən ideyalarımızı kəşf edin.
Ən incə xüsusiyyətlərimizin bir çoxu standart komplektasiyaya daxildir, lakin siz həmçinin ən yeni əyləncə, klimat-kontrol və təhlükəsizlik sistemlərindən birini seçə bilərsiniz. Siz daha fərdi sürmə üslubunu təcrübə edəcəksiniz.
Premium sinfinə aid Mark Levinson® audiosistemləri üzrə mütəxəssislərlə əməkdaşlıq edərək sizin fərdi səs fonunuzu və avtomobil əyləncələrini yeni səviyyəyə çıxaran fərdi dinləmə həllərini işləyib hazırlamışıq.
Oturacaqlara qatdığımız yeni toxunuş ilə Lexus-un inqilabi kinetik oturacaq konsepsiyasını dizayn etdik. Təhlükəsizliyi və dəstəyi artırmaq üçün innovativ radikal liflər hərəkətlərinizi sabitləşdirir və özünüzü evdəki kimi hiss etməyə imkan verir.
Mühərriklərimizi yoxlamaq üçün biz tibdə istifadə olunan ən son kompüter diaqnostikası üsullarından faydalanırıq. Kompüter dəstəkli texnologiyalar bizə 3D diaqnostikanı həyata keçirməyə və bütün qüsurları tam dəqiqliklə müəyyən etməyə imkan verir.
TƏCRÜBƏDƏ YENİ SƏVİYYƏ
Sınaqlarımızı yeni səviyyəyə çıxararaq, sürmə şəraitini və sürücünün reaksiyalarını simulyasiya edən nəfəskəsici təcrübə yaratmaq üçün virtual reallıqdan istifadə edirik. Real dünyada mümkün olmayan sınaqları yaratmaqla biz bir sıra təhlükəsizlik xüsusiyyətlərini və texnologiyalarını təkmilləşdirmək və inkişaf etdirmək üçün rəyləri toplayır və öyrənirik.
“Ağıllı günbəz” altında Lexus LS şəhər yollarında və trasda real nəqliyyat hərəkətinin proyeksiya təsvirlərini əks etdirəm ekranlarla əhatə olunub. Silindrlər hərəkət edərək mühərrik səs-küyünün, vibrasiyanın və küləyin audioyazıları ilə müşayiət olunan döngələri, yoxuşları, sürətlənmələri və yavaşlamaları simulyasiya edir.
